හිටපු ජනාධිපති ගෝඨාභය රාජපක්ෂ මහතා දිවයිනට පැමිණීම තවත් සති දෙකකින් පමණ කල් යනු ඇතැයි රොයිටර් පුවත් සේවය පවසයි.
හිටපු ජනාධිපතිවරයා අද (24)දින දිවයිනට පැමිණීමට නියමිතව තිබුණි.
එහෙත්, රොයිටර් පුවත් සේවය පවසන්නේ ලබන සැප්තැම්බර් මස මුල් සතිය වනතුරු ගෝඨාභය රාජපක්ෂ මහතා තායිලන්තයේ රැඳී සිටිනු ඇති බවයි.
ආරක්ෂාව තහවුරු කළහොත් ඊට පෙර වුව ද හිටපු ජනාධිපතිවරයා දිවයිනට පැමිණෙනු ඇතැයි එම වාර්තාවේ සඳහන් ය.
තායිලන්තයේ රැඳී සිටීම සඳහා වැය වන අධික වියදම්, හිටපු ජනාධිපතිවරයාගේ ලංකා ගමන ඉක්මන් කිරීමට හේතුවී ඇතැයි ද රොයිටර් පුවත් සේවය සඳහන් කළේ ය.
මේ අතර හිටපු ජනාධිපතිවරයෙකුට නීතියෙන් සම්පාදනය කර ඇති වරප්‍රසාද හා පහසුකම් ගෝඨාභය රාජපක්ෂ මහතාට ද හිමි විය යුතු බව ශ්‍රී ලංකා මානව හිමිකම් කොමිෂන් සභාව ජනාධිපති රනිල් වික්‍රමසිංහ මහතාට දැනුම් දී තිබේ.