පාර්ලිමේන්තුව අසළ පොල්දූව වටරවුමේ පැවති විරෝධතා ව්‍යාපාරයක දී ගැටුම්කාරී තත්ත්වයක් මෙහෙය වූවායැයි කියන සිද්ධියේ සැකකරුවෙකු වන විශේෂඥ වෛද්‍ය පැතුම් කර්නර් වහාම අත්අඩංගුවට ගෙන අධිකරණයට ඉදිරිපත් කරන ලෙසට නියෝග කරමින් කොළඹ අතිරේක මහේස්ත්‍රාත් හර්ෂණ කැකුලාවල මහතා අද (23)දින වරෙන්තු නිකුත් කර ඇත.
මෙම සිද්ධියට අදාළ මහේස්ත්‍රාත් පරීක්ෂණය අද (23)දින අධිකරණය හමුවේ කැඳවූ අවස්ථාවේදී සැකකාර පැතුම් කර්නල් අධිකරණය හමුවේ පෙනී නොසිටීම හේතුවෙන් මෙලෙස වරෙන්තු නිකුත් විය.
මෙම සිද්ධියට අදාළ විමර්ශන මෙතෙක් අවසන්ව නැතැයි ද පැමිණිල්ල වෙනුවෙන් අධිකරණයේ පෙනී සිටි කොළඹ අපරාධ කොට්ඨාසය දැනුම් දී තිබේ.