ඉන්දීය ආරක්ෂක මාණ්ඩලික ප්‍රධානී බිපින් රාවෝ ඇතුළු පිරිසක් ගමන් ගත් හෙලිකොප්ටර් යානය තමිල්නාඩුවේදී කඩා වැටී තිබේ.
අනතුරට පත් වන අවස්ථාවේ කාර්ය මණ්ඩල සාමාජිකයින් සහ ආරක්ෂක මාණ්ඩලික ප්‍රධානියාගේ පවුලේ සාමාජිකයින් ද ඇතුළුව 9 දෙනෙකු එහි ගමන් කරමින් සිට ඇති බව ඉන්දීය මාධ්‍ය වාර්තා කරයි.
වාර්තා වන තොරතුරුවලට අනුව අනතුරින් සිව් දෙනෙකු ජීවිතක්ෂයට පත්ව ඇති අතර දෙදෙනෙකු ජීවිත බේරාගෙන තිබේ.
හෙලිකොප්ටර් යානය අනතුරට පත්ව ඇත්තේ, දිල්ලියේ සිට සුලුර් දක්වා පියාසර කරමින් තිබියදී ය.