සෞඛ්‍ය අමාත්‍ය රාජිත සේනාරත්න මහතා අමාත්‍යාංශයේ කටයුතු වලට දේශපාලනම වශයෙන් මැදිහත් වන බවත් එය දිනෙන් දින ඉහළ යමින් තිබෙන බවත් ඔහුගේ බිරියද ඇමති නියෝජනය කරමින් අමාත්‍යාංශ රැස්වීම්වලට එන බවත් රජයේ වෛද්‍ය නිලධාරීන්ගේ සංගමය චෝදනා කරයි.
මාධ්‍ය හමුවක් කැදවමින් අමාත්‍යවරයාව දැඩි ලෙස විවේචනය කල වෛද්‍ය නිලධාරී සංගමය සුදුසුකම් ඇති පුද්ගලයකු සෞඛ්‍යය ඇමැති ලෙස පත්කරන්නැයි ජනාධිපතිවරයාගෙන් ඉල්ලා සිටියහ.
ඇමැතිවරයාගේ සමීපතම ඥාතියකු ගංවතුර අනාථයනට අමාත්‍යංශයේ බෙහෙත් අමාත්‍යංශ වාහන වලින් බෙදා දෙන බව සංගමයේ ලේකම් දොස්තර නවීන්ද සොයිසා මහතා චෝදනා කළේය.
මේ අතර වෛද්‍ය මාරුවීම් පිළිවෙත උල්ලංඝණය කර ඇතැයි පැවසූ සංගමය ලබන 31 වැනිදා වැඩ වැරුමකටද සැරසෙන බවද පැවසීය.