Colombo Today Local News

ජී.එස්.පී. ප්ලස් දෙන්න යුරෝපා සංගමයෙන් කොන්දේසි 58ක් !

ජී. එස්‌. පී. ප්ලස්‌ තීරු බදු සහනය නැවත ශ්‍රී ලංකාවට ලබාදීමට යුරෝපා සංගමය විසින් ශ්‍රී ලංකාවට කොන්දේසි 58 ක්‌ ඉදිරිපත් කර ඇතැයි වාර්තා වෙයි.

ත්‍රස්‌තවාදය වැළැක්‌වීමේ පනත ඉවත් කිරීම, එම පනත යටතේ රඳවා සිටින්නන්ගේ නඩු විභාග කඩිනම් කිරීම, නව මානව හිමිකම් ක්‍රියාකාරී සැලැස්‌මක්‌ හඳුන්වා දීම, නව ව්‍යවස්‌ථාවක්‌ යටතේ බලය බෙදීමට කටයුතු කිරීම, උතුරේ පෞද්ගලික ඉඩම් සියල්ල නැවත හිමිකරුවන්ට ලබාදීම සහ ජාතික සංහිඳියා සහ නැවත පදිංචි කිරීමේ ප්‍රතිපත්තියක්‌ හඳුන්වාදීම ඇතුළු තීරණාත්මක කරුණු රැසක්‌ මෙම කොන්දේසිවලට ඇතුළත් බව වාර්තා වෙයි.

ජී. එස්‌. ටී. ප්ලස්‌ තීරු බදු සහනය නැවත ශ්‍රී ලංකාවට ලබාදීම සලකා බැලීම සඳහා අදාළ කොන්දේසි ඉටුකළ යුතු බවට ද යුරෝපා සංගමය දැනුම් දී ඇති බව ද පැවසේ.

එම සංගමය මීට පෙර අවස්‌ථාවකද සඳහන් කර තිබුණේ ශ්‍රී ලංකාවේ මානව හිමිකම්වල වර්ධනයක්‌ අපේක්‍ෂා කරන බවයි.

කෙසේ වෙතත් අදාළ කොන්දේසි ප්‍රමාණය අඩු කර ගැනීමට රජය යුරෝපා සංගමය සමඟ සාකච්ඡා කරමින් සිටින අතර දෙපාර්ශ්වයටම එකඟ විය හැකි කරුණු සම්බන්ධයෙන් සාකච්ඡා කොට ඉදිරියට යැම රජයේ අපේක්‍ෂාව වී තිබේ.

කවරක්‌ නමුත් අදාළ කොන්දේසි ගැන ශ්‍රී ලංකාව යුරෝපා සංගමය සමඟ තවදුරටත් සාකච්ඡා කරමින් සිටින අතර එම සාකච්ඡාවල ප්‍රගතිය මත ඉදිරි මාසයක කාලයේදී ශ්‍රී ලංකාවට ජී. එස්‌. පී ප්ලස්‌ බදු සහනය නිල වශයෙන් ලබාදෙන ලෙස රජය විසින් යුරෝපා සංගමයෙන් නිල වශයෙන් ඉල්ලා සිටීමට නියමිත බව ද රජයේ ආරංචි මාර්ග කියයි.

Related posts

බුරවී කුණාටුවට බියෙන් වසා දැමූ මඩකලපුවේ සියලු පාසල් යලි විවෘත කෙරෙයි

colombotoday

බන්ධනාගාරගත රැදවියන්ට අමුත්තන් පෙන්වීම නැවත් අරඹයි

colombotoday

සිංහල අපි කොළඹ තුන්වන තැනට වැටිලා.. “පුංචි පවුල රත්තරං“ කතා දැන් ඇති.. හැකිතාක් දරුවන් හදන්න

colombotoday

දෙදරු මව මරා සිරුරේ කොටස් පෝර මල්ලක දැමූ පුද්ගලයෙක් රිමාන්ඩ්

colombotoday

සියලුම වර්ගවල ලන්ච් ෂීට් තහනම් කිරීමට පියවර ගන්නැයි පරිසර ඇමතිගෙන් උපදෙස්

colombotoday

රිළවුන් අපනයනය ගැන කරුණු කියන්න ලබන 26තෙක් කල්දෙයි

Admin