Colombo Today Local News

මධ්‍යම කාරක සභාවේ තීරණය උල්ලංඝනය කල මහින්දට හා නිමල්ට විනය පරීක්ෂණ

ශ්‍රී ලංකා නිදහස් පක්ෂයේ මධ්‍යම කාරක සභාවේ තීරණය උල්ලංඝනය කරමින් ඇමැති තනතුරු ලබා ගත් එම පක්ෂ උපසභාපතිවරුන් වන නිමල් සිරිපාල ද සිල්වා සහ මහින්ද අමරවීර සම්බන්ධයෙන් විනය පරීක්ෂණ පැවැත්වීමට එම පක්ෂය තීරණය කර තිබේ.

මෙම උපසභාපතිරුන් දෙදෙනා සම්බන්ධයෙන් විනය පරීක්ෂණයක් පැවැත්විය යුතු බවට මධ්‍යම කාරක සභාව ගත් තීරණය ක්‍රියාත්මක බව පක්ෂ ජ්‍යේෂ්ඨ උපසභාපති මහාචාර්ය රෝහණ ලක්ෂ්මන් පියදාස පවසයි.

එම තීරණය ක්‍රියාත්මක කිරීම ප්‍රමාද වූයේ නිමල් සිරිපාල ද සිල්වා මහතා ඒ සම්බන්ධයෙන් නඩුවක් ගොනු කිරීම නිසා ය. එම නඩු කටයුතු මේ වන විට අවසන් බවත් මහාචාර්යවරයා කියයි.

පක්ෂයේ තීරණයට පටහැනිව යමින් මහින්ද අමරවීර මහතා කෘෂිකර්ම ඇමැතිධුරය භාර ගත් අතර වරාය, නාවික හා ගුවන්සේවා ඇමැතිධුරය නිමල් සිරිපාල ද සිල්වා භාර ගත්තේය.

ජපානයේ තයිසේ සමාගමෙන් කැබිනට් ඇමැතිවරයකු අල්ලස් ගෙන ඇති බවට විපක්ෂනායක සජිත් ප්‍රේමදාස පාර්ලිමේන්තුවේ කළ ප්‍රකාශයකින් පසු ඒ සම්බන්ධයෙන් පරීක්ෂණයක් පවත්වන්නැයි ඉල්ලමින් නිමල් සිරිපාල ද සිල්වා ඇමැතිධුරයෙන් ඉල්ලා අස් වූ නමුත් තවදුරටත් ආණ්ඩුව සහය පළ කරමින් කටයුතු කරයි.

Related posts

බොරැල්ලේදී තියුණු ආයුධයකින් පහරදී තරුණයෙකු ඝාතනය කෙරේ

colombotoday

පාරිභෝගිකයින්ට විදුලි බිල ගෙවන්නැයි දැනුම්දීමක්

colombotoday

තර්ජණයට පත් උතුරේ සිංහල වැසියන්ගෙන් ජනපතිට ඉල්ලීම් 8ක් !

colombotoday

15 හැවිරිදි දැරිය අපයෝජනය කළ 20ක් අත්අඩංගුවට | දැරිය ප්‍රවාහනය කළ 6කුත් හදුනාගනී

colombotoday

වැඩට එන්න.. ඉල්ලීම් දෙන්නම් – තැපැල් සේවකයන්ට ඇමති දන්වයි !

colombotoday

මඩකලපුවේදී මුස්ලිම් දෙදෙනෙක් දෙමළ දැරියන් දෙදෙනෙක් පැහැරගෙන හවුලේ කෙළෙසයි.. නඩු නෑ.. මඩකලපුවේ දැන් එහෙමයි

colombotoday