ගලෙන්බිදුණුවැව ප්‍රදේශයේ දී සිදුවූ අනතුරකින් පාසල් සිසුන් 13 දෙනෙකු තුවාල ලබා රෝහල්ගත කර තිබේ.
ප්‍රවාහන පහසුකම් නොමැතිවීම හේතුවෙන් ලොරි රථයකින් පාසල වෙත ගමන් කරමින් සිටියදී ලොරි රථයේ පිටුපස කොටස කඩා වැටී ඊයේ (30) උදැසන මෙම අනතුර සිදුවී ඇත.
එම අවස්ථාවේදී සිසුන් 37 දෙනෙකු ලොරි රථයේ ගමන් කර ඇති අතර ඉන් 13 දෙනෙකු මෙලෙස තුවාල ලබා තිබේ.
ප්‍රදේශවාසීන් විසින් තුවාල ලැබූ සිසුන්ව ගලෙන්බිදුණුවැව රෝහලට ඇතුළත් කර ඇති අතර පසුව සිසුන් තිදෙනෙකුව වැඩිදුර ප්‍රථිකාර සඳහා අනුරාධපුර ශික්ෂණ රෝහලට මාරුකර යවා ඇත.
එක් සිසුවෙකුගේ පාදයට අනතුරින් දැඩිව හානි සිදුව ඇත.
අනතුර සම්බන්ධයෙන් ගලෙන්බිදුණුවැව පොලීසිය වැඩිදුර විමර්ශන සිදුකරයි.