පාර්ලිමේන්තු මන්ත්‍රී දිලිප් වෙදආරච්චිගේ පුත්‍රයාට සහ ලේලියට අධිකරණය මගින් අද (8)දින ඇප ලබා දී තිබේ.
සැකකරුවන් වලස්මුල්ල මහෙස්ත්‍රාත් අධිකරණයට ඉදිරිපත් කිරීමෙන් අනතුරුව ඇප නියම වී ඇත.
රවිඳු වෙදාආරච්චි සහ ඔහුගේ බිරිඳ වන නෙත්මි හරින්දි ද සිල්වාට ජූනි 1 වන දා දක්ෂිණ අධිවේග මාර්ගයේ බැදිගම හුවමාරුවේදී පොලිස් නිලධාරීන්ගේ රාජකාරියට බාධා කිරීම සහ සාපරාධී බලහත්කාරය සිදු කිරීම සම්බන්ධයෙන් චෝදනා එල්ල වී තිබිණි.
පසුව සැඟව සිටි ඔවුන් දෙදෙනා පසුගිය ජූනි 6 වන දා පොලිසියට භාර වීමෙන් අනතුරුව අත්අඩංගුවට පත් විය.
අනතුරුව සැකකරුවන් අද (8) දිනය දක්වා රක්ෂිත බන්ධනාගාරගත කර තිබිණි.