ඊයේ (28) දින සවස් කාලයේ අම්පාර කොට්ඨාස දූෂණ මර්ධන අංශයේ නිලධාරීන්ට ලද තොරතුරක් මත වැටලීමක් සිදුකර අම්පාර පොලිස් වසමේ එරගම, අම්පාර ප්‍රදේශයේ දී විදේශ රටක සිට මෙරටට රැගෙන එන ලද බවට සැක කරන වාලම්පුරි 02 ක් රැපියල් ලක්ෂ 50 කට අලෙවි කිරීම සදහා සුදානම්ව සිටි සැකකරුවන් තිදෙනෙකු අත්අඩංගුවට ගෙන අම්පාර පොලිස්ථානය වෙත ඉදිරිපත්කර ඇත.
සැකකරුවන් වයස අවුරුදු 32, 44 හා 51 ක් වන පොල්ලේගොඩ, අඹතැන්න ප්‍රදේශයේ පදිංචිකරුවන් වේ.
සැකකරුවන් අද (29)දින අම්පාර ගරු මහෙස්ත්‍රාත් අධිකරණය වෙත ඉදිරිපත් කිරීමට නියමිතව ඇත.
අම්පාර පොලිස්ථානය වැඩිදුර විමර්ශන සිදු කරනු ලබයි.