සහල් හිඟයක් ඇති නොවන බව වෙළඳ වාණිජ හා ආහාර අමාත්‍යාංශය පවසයි.
මේ මස 25 වැනිදා වන විට සහල් මෙට්‍රික් ටොන් හතළිස් හත්දහසක් මෙරටට ගෙන්වා ඇති බව එහි ලේකම් එස් .ටී. කොඩිකාර මහතා සඳහන් කරයි.
මේ මාසය තුළ පමණක් සහල් මෙට්‍රික් ටොන් 25,000 ක් මෙරටට රැගෙන විත් ඇති බව ලේකම්වරයා කියයි.
ඉන්දියානු ණය යෝජනා ක්‍රමය යටතේ එම සහල් මෙරටට ගෙන්වා තිබේ.
නාඩු, සම්බා,සුදු කැකැළු සහල් එම තොගයට ඇතුළත් ය.
ඉන්ධන ගැටලුව හේතුවෙන් සහල් බෙදාහැරීමට බාධා මතුව ඇතැයි වෙළඳ වාණිජ හා ආහාර අමාත්‍යාංශය පවසයි.