වැල්ලව පොලිස් වසමේ හිරිපිටිය ප්‍රාදේශීය රෝහලේ ඖෂධ ගබඩාවේ ගින්නක් හට ගෙන තිබේ.
ඊයේ (1)දින සවස් කාලයේදී ගින්න හට ගෙන ඇති අතර මේ වන විට ගින්න සම්බන්ධයෙන් විමර්ශන ආරම්භ කර ඇති බව පොලිසිය සඳහන් කරයි.
ගොඩනැගිල්ල පරීක්ෂා කිරීමේදී ගින්නෙන් ඖෂධ ගබඩා කර තිබූ රාක්කයක් අසල ප්‍රධාන විදුලි පේනුව ගිනිගෙන ඇති බවට පොලිස් විමර්ශනවලදී අනාවරණය වී ඇති බව පොලිසිය පවසයි.
මෙම ඖෂධ ගබඩාවේ ඖෂධ සුළු කොටසක් ගින්නෙන් විනාශ වී ඇති අතර ජීවිත හාගි කිසිවක් වාර්තා වී නැත.
ගින්න සම්බන්ධයෙන් වැල්ලව පොලිසිය වැඩිදුර විමර්ශන සිදු කරයි.