ශ්‍රී ලංකා යුද හමුදාවේ 24 වැනි යුද හමුදාපති ලෙස ලුතිනන් ජෙනරාල් විකුම් ලියනගේ අද ශ්‍රී ජයවර්ධනපුර පිහිටි යුද හමුදා මූලස්ථානයේදී සිය ධුරයේ රාජකාරී ආරම්භ කළේ ය.
ආගමික වතාවත්වලින් අනතුරුව රාජකාරී ආරම්භ කළ නව යුද හමුදාපතිවරයාට සම්මාන මුරයක් ද පිරිනැමී ය.
යුද හමුදාධිපති ධූරයට පත්වීම ලබන විට යුද හමුදා මාණ්ඩලික ප්‍රධානි ධූරයේ රාජකාරි කළ නව යුද හමුදාධිපතිවරයා ඊයේ (31)දින ජනාධිපති මන්දිරයේදී ජනාධිපති ගෝඨාභය රාජපක්ෂ මහතා අතින් යුද හමුදාපති ධූරයේ පත්වීම් ලිපිය භාරගත්තේ ය.
විකුම් ලියනගේ මහතා 1986 වසරේ ඔක්තෝබර් 27 වැනිදා ශ්‍රී ලංකා යුද හමුදාවට එක්වූයේ, කැඩෙට් නිලධාරියෙකු ලෙසයි.