අඩු ආදායම්ලාභී ගොවිපවුල්වලට ඉදිරි මහ කන්නය සඳහා යූරියා පොහොර මලු 365,000ක් නොමිලේ ලබාදීමට ලෝක ආහාර හා කෘෂිකර්ම සංවිධානය එකඟත්වය පළ කර තිබේ.
ඒ අනුව , ගොවිපවුලකට යූරියා මිටියක් බැගින් පවුල් 365,000කට මෙලෙස යූරියා ලබාදීමට තීරණය කර ඇති බවට කෘෂිකර්ම අමාත්‍යාංශය සඳහන් කර ඇත.
තවද , ලබන මහ කන්නය තුල කාන්තාවන් මූලික අඩු ආදායම්ලාභී පවුල් 14,000කට මුං වගාව සඳහා රුපියල් 18,000ක ආධාර මුදලක් ලබාදීමට ද ලෝක ආහාර හා කෘෂිකර්ම සංවිධානය එකඟත්වය පළ කර ඇති බව කෘෂිකර්ම අමාත්‍යාංශය නිකුත් කළ නිවේදනයේ තවදුරටත් සදහන් වෙයි.