දිවයිනේ ප්‍රදේශ රැසක ලංකා ගමනාගමන මණ්ඩලයේ සේවකයන් බස් ධාවනය ඇතුළු ලංගම ඩිපෝ මගින් සපයන සියලු ම සේවාවලින් ඉවත් වී තිබේ.
ඒ අනුව දිවයින පුරා පිහිටි ලංගම ඩිපෝ 107ක සේවකයින් මෙම වෘත්තිය ක්‍රියාමාර්ගය ගෙන ඇති බව සමස්ත ලංකා ප්‍රවාහන සේවක සංගමයේ සභාපති සේපාල ලියනගේ මහතා පවසයි.
2018 වසරේ සිට ලංගම සේවකයින්ගේ වැටුප් සංශෝධනය නොකිරීම මුල් කරගෙන එම සේවකයින් මෙලෙස සේවා සැපයීමෙන් ඉවත් වී ඇත.
කෙසේ වෙතත්, ඊට විසඳුම් ලබා දෙන බවට අමාත්‍යංශය දැනුවත් කිරීමෙන් අනතුරුව ඩිපෝ රැසක සේවකයින් යළි සේවයට වාර්තා කර ඇති අතර ඩිපෝ 18ක සේවකයින් තව දුරට ත් වෘත්තීය ක්‍රියාමාර්ගයේ නිරත බව ඔහු වැඩිදුරට ත් සදහන් කරයි.