Colombo Today Local NewsUncategorized

වරායේ ඇති කිරිපිටි කන්ටේනර් නිදහස් කරගන්න තවමත් සල්ලි නෑ

වරායේ ඇති කිරිපිටි කන්ටේනර් දොළහ නිදහස් කර ගැනීමට මහ බැංකුවෙන් නිකුත් කළ මුදල් තවමත් ලැබී නැති බව කිරිපිටි ආනයනකරුවන්ගේ සංගමයේ සාමාජික ලක්ෂ්මන් වීරසූරිය පවසයි. එසේ මුදල් නොලබුණහොත් ඇණවුම් කර ඇති තවත් කිරිපිටි ටොන් දහසක් ඉන්දුනීසියාවට හෝ බංග්ලාදේශයට හරවා යැවීමට සිදුවන බවත් ඔහු පවසයි.

ඊයේ (5) සහ පෙරේදා (4) යන දින දෙක ඇතුළත මෙම කිරිපිටි තොග නිදහස් කර ගැනීමට අවශ්‍ය මුදල් ලැබෙනු ඇති බවට ආනයනකරුවන් අපේක්ෂා කළ ද එම මුදල් මෙතෙක් ලැබී නොමැත.

එසේම කිරිපිටි කිලෝග්‍රෑම් එකක් වරායෙන් නිදහස් කර ගැනීමට රුපියල් එකසිය හැත්තෑවක මුදලක් ගෙවීමට සිදුවන බව එම සංගමය සඳහන් කරයි.

මෙම තත්ත්වය මත කිරිපිටි කිලෝග්‍රෑම් එකකට රුපියල් දෙසීයක මුදලක් වැඩිකිරීමෙන් පසුද කිලෝවක් රුපියල් එක්දහස් එකසිය හතළිස් පහකට දීමට හැකියාවක් නැති බවත් වරායෙන් නිදහස් කරගන්නා විටම කිරිපිටි කිලෝග්‍රෑම් එකකට රුපියල් එක්දහස් දෙසිය හැටකමුදලක් ගෙවීමට සිදුවන බවත් ලක්ෂ්මන් වීරසූරිය පවසයි.

අදාළ කිරිපිටි තොගය වරායෙන් නිදහස් කර ගැනීමට නොහැකි වීමේ තත්ත්වය මත නැව් සමාගම්වලට රුපියල් ලක්ෂ හතළිහක පමණ ප්‍රමාද ගාස්තුවක් ඊයේ (5)දිනය වන විට ගෙවීමට සිදුවන බවද කිරිපිටි ආනයනකරුවන්ගේ සංගමය ප්‍රකාශ කරයි.

Related posts

IOC ඉන්ධන මිලත් අද රාත්‍රීයේ සිට පහළට

Admin

ගලවා ඉවත්කළ පුනරීන් කඳවුර වෙනත් තැනක ඉදිකිරීමත් ටී.එන්.ඒ. විරෝධයෙන් නවතී

colombotoday

නිවාස මංකොල්ලකෑ හයක් අත්අඩංගුවට

colombotoday

වෙහෙරගොඩයාය පුරාවිද්‍යා නටබුන් අන්තවාදීන් විනාශ කර දමයි

colombotoday

සුද්දට එදා තේරුණ දේ මේ හාදයින්ට තේරෙන්නෑ – ජනපති එජාපයට දෙහි කපයි (Video)

colombotoday

ඊනියා කොටි සැමරුමට ඉඩ දෙයි – සිංහල රාවයට වාරණයක්!

colombotoday