Colombo Today Local News

ජාතික හැඳුනුම්පතත් ඩිජිටල්කරණයට

ජාතික හැඳුනුම්පත් තොරතුරු ඔන්ලයින් ඔස්සේ තහවුරු කිරීමේ විශේෂ වැඩපිළිවෙළක් ආරම්භ කර තිබේ.

පුද්ගලයින් ලියාපදිංචි කිරීමේ කොමසාරිස් ජනරාල් වියානි ගුණතිලක මහතා පැවසුවේ, ශ්‍රී ලංකාවේ පිහිටි රාජ්‍ය ආයතන, සංස්ථා, ව්‍යවස්ථාපිත මණ්ඩල, බැංකු හා මූල්‍ය ආයතනවලින් සේවා අවශ්‍යතා ඉටුකර ගැනීමේදී එම ආයතනවල සේවාලාභීන්ගේ කැමැත්ත මත ජාතික හැඳුනුම්පතේ තොරතුරු ඔන්ලයින් ඔස්සේ සහතික කිරීමට මෙම වැඩපිළිවෙළ මගින් අවස්ථාව සැලසෙන බවය.

මේ වනවිටත් පුද්ගල දත්ත ඔන්ලයින් ක්‍රමවේදයට තහවුරු කිරීමේ සේවාව ලබා ගැනීමට ශ්‍රී ලංකා සුරැකුම්පත් විනිමය කොමිෂන් සභාව, ආගමන හා විගමන දෙපාර්තමේන්තුව ඇතුළු ආයතන රැසක් ගිවිසුම්ගත වී ඇති බව ද වියානි ගුණතිලක මහතා පවසයි.

පුද්ගලයින් ලියාපදිංචි කිරීමේ කොමසාරිස් ජනරාල්වරයා පැවසුවේ, ඉදිරියේදී විශ්‍රාම වැටුප් දෙපාර්තමේන්තුව ඇතුළු තවත් ආයතන රැසක් සමග ගිවිසුම්ගත වීමට ද නියමිත බවයි.

ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ තාක්ෂණික දායකත්වයෙන් සිදු කෙරෙන මෙම වැඩපිළිවෙළ ඔස්සේ වංචනික ක්‍රියා වළක්වා ගැනීමට හැකියාව ලැබෙනු ඇති.

ඒ අනුව, නව තාක්ෂණය සමග මුසුවූ ඩිජිටල් ආර්ථික ක්‍රියාවලිය තුළ පුද්ගල අනන්‍යතාව වඩාත් නිවැරදිව හා විශ්වසනීයව තහවුරු කරමින් විධිමත් හා කාර්යක්ෂම මහජන සේවාවක් සැපයීම සඳහා සියලු ආයතනයන්ට අවශ්‍ය සහාය ලබා දීමට හැකියාව ලැබී ඇතැයි ද පුද්ගලයින් ලියාපදිංචි කිරීමේ කොමසාරිස් ජනරාල්වරයා පැවසීය.

Related posts

රටපුරා යළිත් සංචරණ සීමා | යුධ හමුදාපතිගේ අලුත්ම නිවේදනය

colombotoday

දිවයින පුරා නායයෑමේ අවදානම් සහිත ස්ථාන 147ක් – මහනුවර පාසල් 18කුත් ඒ අතර

colombotoday

අපි කවදාවත් වාහන ගන්නෑ කියලා නෑ

Admin

නීති නිතිවෙදින්ගේ සංගමයේ මිනී කාක්කෝ ශ්‍රෙෂ්ඨාධිකරණයට ඇස ගසයි !

colombotoday

ට්‍රම්ප්ගේ බදු ගැන සජිතුත් කට අරී

Admin

දේව මෙහෙයක් පැවැත්වූ ස්ථානයක් මුද්‍රා තබයි. නිරෝධායන නීති කැඩූ මහවැව දේවගැතිවරයකුට නඩු

colombotoday