අයිතිකරුවන් විසින් බාර නොගන්නා ලද, මේ වනවිට පොලිස් මෘත ශරීරාගාරයේ ඇති මෘත ශරීර නිරෝධායන නීතිය යටතේ ආදාහනය කිරීමට පියවර ගන්නා ලෙස නීතිපතිවරයා සෞඛ්‍ය සේවා අධ්‍යක්ෂ ජනරාල්වරයාට අද(09)දින උපදෙස් දී ඇත.
කොවිඞ් 19 වසංගතයට ගොදුරු වී මියගිය පුද්ගලයින් කිහිපදෙනෙකුගේ මෘත ශරීර ඔවුන්ගේ හිමිකරුවන් හෝ ඥාතීන් විසින් හඳුනාගැනීමට මෙතෙක් ඉදිරිපත් නොවීම නිසා පොලිස් මෘත ශරීරාගාරයේ තබා ඇතැයි ද, ඒවා සම්බන්ධයෙන් කුමක් කළ යුතුදැයි සෞඛ්‍ය සේවා අධ්‍යක්ෂ ජනරාල්වරයා විසින් නීතිපතිවරයාගෙන් කරන ලද විමසුමට අනුව නීතිපතිවරයා අදාල උපදෙස් ලබා දී ඇතැයි ද පැවසේ.
කොවිඞ් වෛරසයෙන් මියගොස් පොලිස් මෘත ශරීරාගාරයේ තබා ඇති, ඥාතින් හෝ හිමිකරුවන් භාර නොගත් අයගේ මෘත ශරීර නිරෝධායන නීති යටතේ ආදාහනය කරන ලෙස නීතිපතිවරයා උපදෙස් දී ඇත.