රටේ ප්‍රජාතන්ත්‍රවාදය දැන් ශක්තිමත් වී ඇති බැවින් ඕනෑම දේශපාලනඥයෙකුට සිය මතය ප්‍රකාශ කිරීමේ අයිතිය ලැබී ඇති බව උතුරු පළාත් ආණ්ඩුකාර රෙජිනෝල්ඩ් කුරේ මහතා පවසයි.
ඔහු මේ බව පැවසූවේ උතුරු නැගෙනහිර පළාත් ඒකාබද්ධ කර ද්‍රවිඩ භාෂාව කතා කරන ප්‍රාන්තයක් ඉල්ලමින් උතුරු පළාත් සභාව සම්මත කරගත් යෝජනවා පිළිබදව අදහස් දක්වමින්.
වෙඩි හඩ පවතින සමයේදී උතුරු පළාතේ දේශපාලකයන්ගේ කටහඩ නිහඩ වී තිබූ බවත් එවැනි දේශපාලන මතයන් සම්බන්ධයෙන් කලබලවීමේ අවශ්‍යතාවයක් කිසිසේත් නොමැති බවත් උතුරු ආණ්ඩුකාරවරයා වැඩි දුරටත් පැවසීය.