ශ්‍රී ලංකා නිදහස් පක්ෂය, පක්ෂ සභාපති, ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් 65 වන සංවත්සරය පවත්වද්දී පක්ෂයේ ඉහළ පෙළේ සාමාජිකයන් පිරිසක් ඒකාබද්ධ විපක්ෂයේ පළමු ආසන් බල මණ්ඩලය පිහිටුවන අවස්ථාවට එක්ව සිටියහ.
ඒ අනුව ඒකාබද්ධ විපක්ෂ පළමු ආසන බලමණ්ඩලය ලෙස හක්මණ ආසනයේ පස්ගොඩ ප්‍රාෙද්ශීය සභා බල මණ්ඩලය, ඌරුබොක්ක සමුකිරණ රැස්වීම් ශාලාවේදී රැස්විණි.
එක්සත් ජනතා නිදහස් සන්ධාන පාර්ලිමේන්තු මන්ත්‍රීවරුන් වන, ඒකාබද්ධ විපක්ෂය නියෝජනය කරන ඩලස් අලහප්පෙරුම, මහින්දානන්ද අලුත්ගමගේ, මහින්ද යාපා අබේවර්ධන ඇතුළු පාර්ලිමේන්තු සහ පළාත් සභා මන්ත්‍රීවරු කිහිපදෙනෙක්ද ඒ සදහා සහභාගී වී සිටියහ.
ශ්‍රී ලංකා නිදහස් පක්ෂයේ දැනට බලය හිමි කණ්ඩායමේ අවශ්‍යතාවය යළිත් වරක් එක්සත් ජාතික පක්ෂයට බලය ලබාදීම බවට එහිදී චෝදනාවක් එල්ල කළ ඩලස් අලහපෙරුම මන්ත්‍රීවරයා, ශ්‍රී ලංකා නිදහස් පක්ෂයේ බලය හිමි කණ්ඩායම ඒකාබද්ධ විපක්ෂයේ අරමුණ කවරක්දැයි අවබෝධ කරගත යුතු බවත් පැවසීය.
වත්මන් ආණ්ඩුවට සහාදීම හේතුවෙන් ශ්‍රී ලංකා නිදහස් පක්ෂයට සහ රටට සිදුවූයේ හානියක් බවත් ඩලස් අලහප්පෙරුම මන්ත්‍රීවරයා පැවසීය.