බන්ධනාගාරගත හිටපු පාර්ලිමේන්තු මන්ත්‍රි රන්ජන් රාමණායක ශාස්ත්‍රවේදී උපාධි පාඨමාලාවේ ප්‍රථම වසර අවසාන පරික්ෂණයට.
හිටපු පාර්ලීමේන්තු මන්ත්‍රී රන්ජන් රාමණායක බන්ධනාගර ගත වීමෙන් පසු ඔහු විසින් ශ්‍රී ලංකා විවෘත විශ්ව විද්‍යාලයේ ශාස්ත්‍රවේදී තරුණ කටයුතු හා ප්‍රජා සංවර්ධන උපාධි පාඨමාලාව හැදැරීමට අවශ්‍ය බවත්, ඒ සදහා අවශ්‍ය පහසුකම් සලසා දෙන ලෙසට කරන ලද ඉල්ලීමට අනුව බන්ධනාගාර කොමසාරිස් ජනරාල්තුමා විසින් ඒ සදහා අවශ්‍ය අනුමැතිය ලබා දීමෙන් අනතුරුව අධ්‍යයන කටයුතු සදහා අවශ්‍ය පහසුකම් සලසා දී තිබේ.
ඒ අනුව ශ්‍රි ලංකා විවෘත විශ්ව විද්‍යාලයේ ශාස්ත්‍රවේදි තරුණ කටයුතු හා ප්‍රජා සංවර්ධන උපාධි පාඨමාලාවේ ප්‍රථම වසර අවසාන පරික්ෂණය සදහා ඔහු ජුනි 04 වන දින සිට පෙනි සිටීමට නියමිතව ඇත.
බන්ධනාගාර දෙපාර්තමේන්තුවේ නීතිරීති වලට අනුකූලව නිලධාරීන්ගේ විශේෂ ආරක්ෂාව යටතේ ඔහු සහභාගි කරවීමට අවශ්‍ය කටයුතු සංවිධානය කර ඇති බව බන්ධනාගාර කොමසාරිස් (පාලන/පුනරුත්ථාපන/මාධ්‍ය ප්‍රකාශක) චන්දන ඒකනායක ප්‍රකාශකර සිටි.