‘රැට්ටා’ නමින් යූටියුබ් චැනලයක් පවත්වාගෙන යන රතිඳු සේනාරත්න අත්අඩංගුවට ගෙන තිබේ.
කොම්පඤ්ඤ වීදිය පොලිසියට අනුබද්ධ කොළඹ මධ්‍යම අපරාධ විමර්ශන කොට්ඨාසය මගින් ඔහු අත්අඩංගුවට ගෙන ඇති බව පොලිස් මාධ්‍ය ප්‍රකාශ ජ්‍යෙෂ්ඨ පොලිස් අධිකාරී නිහාල් තල්දූව මහතා ප්‍රකාශ කළේය.
මැයි 25 වන දා කොටුව මහේස්ත්‍රාත් අධිකරණය ඉදිරිපිටදී අධිකරණ කටයුතුවලට බාධා කිරීම, අධිකරණය පැමිණෙන පුද්ගලයින්ට, පොලිස් නිලධාරීන්ගේ කටයුතුවලට බාධා කිරීම ඇතුළු චෝදනා යටතේ ඔහු අත්අඩංගුවට ගෙන තිබේ.
අදාළ සිද්ධිය සම්බන්ධයෙන් ප්‍රකාශයක් ලබා දීම සඳහා අද (මැයි 30) පස්වරුවේ ඔහු කොම්පඤ්ඤ වීදිය පොලිසියට පැමිණ ඇති අතර එහිදී ඔහු අත්අඩංගුවට ගෙන ඇත.
ඒ අනුව, ඔහු හෙට (31)දින කොළඹ කොටුව මහේස්ත්‍රාත් අධිකරණය වෙත ඉදිරිපත් කිරීමට නියමිත බව පොලිස් මාධ්‍ය ප්‍රකාශකවරයා වැඩිදුරටත් පවසයි.
රතිඳු සේනාරත්න ආණ්ඩු විරෝධී ගාලු මුවදොර අරගලයේ කැපී පෙනෙන චරිතයක් ලෙස පෙනී සිටි අයෙකි.