ඉදිරියේදී ගෝලීය ආර්ථික අවපාතයක් ඇතිවිය හැකි බවට ලෝක බැංකුව විසින් අනතුරු ඇඟවීමක් සිදුකර තිබේ.
එහි ප්‍රධානී ඩේවිඩ් මැල්පාස් විසින් මෙම අනතුරු ඇඟවීම සිදුකර ඇත.
ඔහු මේ බව සදහන් කර ඇත්තේ එක්සත් ජනපද වාණිජ මණ්ඩලය සමඟ පැවති සාකච්ඡාවකදී වැඩිදුරටත් අදහස් දක්වමින් ලෝක බැංකු ප්‍රධානියා මේ බව සදහන් කළේය.
මෙම තත්ත්වයට රුසියානු-යුක්‍රේන යුද ගැටුම් සෘජු බලපෑමක් එල්ලකර ඇති බව ද ඩේවිඩ් මැල්පාස් පෙන්වා දෙයි.
ඒ අනුව ආහාර, බලශක්ති සහ පොහොර මිල ඉහළ අධික ලෙස ඉහළ යාමත් සමඟ මෙම ගෝලීය ආර්ථික අවපාතය ඇතිවිය හැකි බව ඔහු එහිදී පෙන්වා දී තිබේ.
කෙසේ වෙතත් එවැනි තත්ත්වයක් ඇතිවීම වළක්වාගැනීම අතිශය දුෂ්කර වනු ඇති බවද ලෝක බැංකු ප්‍රධානියා වැඩිදුරටත් අදහස් දක්වමින් ප්‍රකාශ කර ඇත.