ශ්රී ලංකා නිදහස් පක්ෂයේ ආසන සංවිධායක ධුරවලින් ඉවත් කරන ඒකාබද්ද විපක්‍ෂයේ මන්ත‍්‍රිවරුනට හිටපු ජනාධිපති මහින්ද රාජපක්ෂ මහතා විසින් බිහිකරන නව දේශපාලන ව්‍යාපාරයේ ඉහල තනතුරු ලබාදීමට තීරණය කර ඇතැයි ආරංචිමාර්ග අනාවරණය කරයි.
මැයි දිනයෙන් පසු නව දේශපාලන පක්ෂයක් පිහිටුවීමට රාජපක්ෂවරුන් තීරණය කර ඇති අතර, හිටපු ජනාධිපති මහින්ද රාජපක්ෂ මහතා විසින් එහි මුලික සංවිධාන කටයුතු හිටපු අමාත්‍ය බැසිල් රාජපක්ෂ මහතාට පවරා තිබේ.
මේ අතර, ඊයේ (29) ශ්රී ලංකා නිදහස් පක්ෂ මූලස්ථානයේ පැවති මාධ්‍ය හමුවකට සහභාගි වෙමින් ඇමති දයාසිරි ජයසේකර මහතා පැවසුයේ, බැසිල් රාජපක්ෂ මහතා එක්සත් ජාතික පක්ෂයේ කොන්ත‍්‍රාත්තුවක් ඉටුකරන බවයි.
ශ්‍රිලනිපය විනාශ කිරීමේ කුමන්ත්‍රණයට සහභාගි වෙන සියලුම මන්ත්‍රීන්ට තරාතිරම නොබලා දැඩි දඬුවම් පමුණුවන බවද මෛත්‍රීපාල සිරිසේන ජනාධිපතිවරයා ඊයේ (29) ගාල්ලේදී අවධාරණය කළේය.