පොලීසිය හා කොල්ලකරුවන් පිරිසක් අතර අද පෙරවරුවේදී මාතර නගරයේදී වෙඩි හුවමාරුවක් සිදු විය.
නගරයේ රන් භාණ්ඩ වෙළඳ සැලක් කොල්ල කෑම සදහා පැමිණ සිටි පිරිසක් හා පොලිසිය අතර මෙම වෙඩි හුවමාරුව සිදුව ඇත.
මෙයින් තුවාල ලත් පොලිස් නිලධාරීන් තිදෙනෙක් හා තවත් දෙදෙනෙක් රෝහල් ගත කර ඇත. රෝහල් ගත කිරීමෙන් පසු එක් පොලිස් නිලධාරියෙකු මිය ගොස් ඇත.
කොල්ල කල්ලියේ පුද්ගලයන් හය දෙනෙකු පමණ සිටි බවද සදහන්ය.
මේ අතර හික්කඩුව ප්‍රදේශයේ සිදු කර ඇති වෙඩි තැබීමකින් පුද්ගලයෙකු මරණයට පත්ව ඇත.
යතුරු පැදියකින් පැමිණි පුද්ගලයින් දෙදෙනෙකු විසින් පාපැදියකින් යමින් සිටි අයෙකුට වෙඩි තබා පළා ගොස් ඇතැයි පොලීසිය කියයි.