ශ්‍රී ලංකාවේ දෙමළ ජනතාව වෙනුවෙන් වෙනම රාජ්‍යක් හෙවත් ඊළමක් බිහිකරලීම සදහා පූර්ණ වශයෙන් කැපවන බව තමිල්නාඩු මහඇමතිනි ජයලලිතා ජයරාම් සිය මැතිවරණ ප්‍රකාශයෙන් අවධාරණය කර ඇත.
තමිල්නාඩු ප්‍රාන්ත මැතිවරණය ලබන 16 වැනිදා පැවැත්වෙන අතර ඊට අදාළව ජයලලිතාගේ ඒ.අයි.ඒ.ඩී.එම්.කේ පක්ෂයේ ප්‍රතිපත්ති ප්‍රකාශය තමිල්නාඩුවේ ඊරෝඩ් හිදී එළිදැක්වූණි. එම මැතිවරණ ප්‍රකාශනයේ දැක්වෙන්නේ මෙරට යුද්ධයේ දී සිදුවූ බව කියන මානව හිමිකම් උල්ලංඝනය කිරීම සදහා වගකිව යුතු පුද්ගලයින්ට දඩුවම් හිමිවිය යුතු බව ඇය සදහන් කර ඇතැයි ඉන්දියා ටුඩේ පුවත්පත වාර්තා කර සිටී.
ඒ සදහා බලපෑම් කිරීමට තමා කටයුතු කරන බවට තමිල්නාඩු මහඇමතිනිය සිය මැතිවරණ ප්‍රකාශනයේ සදහන් කර ඇත.තමිල්නාඩුවේ සරණාගත කදවුරුවල සහ ඉන් පිටත වසර ගණනාවක් තිස්සේ වෙසෙන ශ්‍රී ලාංකික සරණාගතයන්ට ද්විත්ව පුරවැසිභාවය ලබාදීම ද තමිල්නාඩු මහ ඇමතිනියගේ මැතිවරණ පොරොන්දු වලට අයත් වේ
ඒ සදහා ඉන්දීය මධ්‍යම රජය පොළොඹවා ගැනීමට කටයුතු කරන බව ඇය අවධාරණය කළාය.