ජනාධිපතිවරයා දිවයිනට පැමිණි පසු රට ඉදිරියට ගෙන යෑම සදහා අලුත් වැඩසටහනක් ඇති කරන බවත්, ඒ තුළින් රජය ඉදිරියට යෑමට අපේක්ෂා කරන බවත් අගමැති රනිල් වික්‍රමසිංහ මහතා කියයි.
ශ්‍රී දළදා සමිඳුන් වැඳපුදා ගැනීමෙන් පසු මල්වතු අස්ගිරි මහනායක ස්වාමීන්ද්‍රයන් වහන්සේ දෙනම බැහැදැක ආශීර්වාද ලබාගැනීම සඳහා ඊයේ (18දා) මහනුවරට පැමිණි අගමැතිවරයා මාධ්‍ය හමුවේ අදහස් දක්වමින් මේ බව ප්‍රකාශ කළේය.
ව්‍යාපෘති ගණනාවක් අවසන් අදියරේ තිබෙන බවත්, තවත් ව්‍යාපෘති කිහිපයක් ආරම්භ කිරීමට සැලසුම් කර තිබෙන අතර, ආණ්ඩුව ආරම්භ කළ ව්‍යාපෘති ගණනාවක ප්‍රතිලාභ මෙම වසරේ අත්විඳින්නට ජනතාවට අවකාශ සැලසෙන බවත් අගමැතිවරයා මෙහිදී ප්‍රකාශ කළේය.
