4 April 2025
Colombo Today Local News

එජාප මන්ත්‍රී ආබාධිත සෙබළාට අතින් පයින් ගුටි අනී.. ගහපු හේතුව පොලිසියේදී හෙළිවෙයි…

විශ්‍රාමික හමුදා භටයකුට පහර දුන්නේ යෑයි කියන සිද්ධියකට සම්බන්ධ ගලෙන්බිඳුනුවැව ප්‍රාදේශීය සභාවට තේරී පත්ව සිටින එ.ජා.ප මන්ත්‍රීවරයකු 31දා පස්‌වරුවේ සැකපිට ගලෙන්බිඳුනුවැව පොලිසිය විසින් අත්අඩංගුවට ගෙන ඇත.

මෙම පහරදීමෙන් තුවාල ලබා ඇත්තේ යකල්ල කරුවලගස්‌වැව පදිංචි ශාන්ත සුමනසිංහ 42 නමැති විශ්‍රාමික ආබාධිත හමුදා භටයකු වන දෙදරු පියෙකි. ඔහු මේ වන විට අනුරාධපුර ශික්‌ෂණ රෝහලේ 14 වාට්‌ටුවේ ප්‍රතිකාර ලබයි.

පසුගිය 30 වැනි දින සවස 3.30 ට පමණ තමාගේ කැබ් රථයෙන් ගමන් කරමින් සිටියදී යකල්ල ගල්කුලම හන්දියේදී යතුරුපැදියක්‌ මග හරස්‌කොට තමාගේ වාහනය නවතා කැබ් රථයේ අලවා තිබූ මහින්ද මහතාගේ ඡායාරූපය ඉරා විසිකර තමනට අතින් පයින් පහර දුන් බව පහර කෑමට ලක්‌වූ මෙම ආබාධිත හමුදා භටයා පොලිසියට කළ පැමිණිල්ලේ සඳහන් වේ.

මෙම පැමිණිල්ල සම්බන්ධයෙන් ක්‍රියාත්මක වූ ගලෙන්බිඳුනුවැව පොලිස්‌ ස්‌ථානාධිපති සුජීව කුමාර මහතා ඇතුළු පොලිස්‌ නිලධාරී කණ්‌ඩායමක්‌ පහර දුන්නේ යෑයි කියන ශාන්ත බණ්‌ඩාර නමැති එජාප ප්‍රාදේශීය සභා මන්ත්‍රීවරයා 31දා අත්අඩංගුවට ගෙන තිබිණි.සැකකාර මන්ත්‍රීවරයා ඊයේ 01 දින අධිකරණය හමුවට ඉදිරිපත් කිරීමට නියමිතව තිබිණි.

Related posts

මුදල් ඇමති රට යයි

colombotoday

අඩු ආදායම්ලාභී නිවාස 25,000ක සූර්ය බලයෙන් විදුලිය හදන ව්‍යාපෘතියක් අරඹයි

colombotoday

MCC ගිවිසුම මෙරට ලිඛිත නීතිය සහ ව්‍යවස්ථාවට පටහැනියි – නීතිපති

colombotoday

කොටුව දුම්රියපොළ ඉදිරිපිට මළ සිරුරක්

Admin

ගොවීන්ගෙන් 50% කගේ පොහොර සහනාධාර මුදල් දී නැහැ.. මූල්‍ය ප්‍රතිපාදනත් අවසන්.

Admin

ලොක්ඩවුන් කරන්න සෞඛ්‍ය අංශ නිල වශයෙන් තවමත් නිර්දේශ කර නැහැ. – නිර්දේශ කරන්නේනම් ක්‍රියාවට නැංවීමට පැකිලෙන්නේ නෑ.

colombotoday