”දුම්පානය කරන්නෝ මෝඩයෝය” යන තේමාව යටතේ වවුනියාව එක්සත් ස්වාධීන තරුණ සංගමය අප්‍රේල් පළමු වෙනිදාට යෙදී තිබෙන මෝඩයාගේ දිනය යැයි හඳුන්වන දිනයේදී ප්‍රචාරක පෙළපාළියක් සංවිධානය කොට තිබුණි.
වවුනියාවේ චින්තාමනී කෝවිල අසලට එක් වූ තරුණයෝ විශාල පිරිසක් දුම්පානය කරන්නෝ මෝඩයෝය යන පණිවුඩය රැගත් පෝස්ටර් හා බැනර් රැගෙන වවුනියාව නගරය පුරා යතුරු පැදිවලින් ගමන් කළහ.
එසේ යන අතරතුරදී හමුවන ජනතාවට පත්‍රිකා බෙදමින් ජනතාව දැණුවත් කරමින් දුම්බීමට එරෙහිව වවුනියාවේ එක්සත් ස්වාධීන තරුණ සංගමය විරෝධතාවයක් දැක්වීය.
වවුනියාව නගරයේ දුම්වැටි අලෙවිකරණ වෙළෙඳසැල් ඉදිරියේ නතර වෙමින් ඔවුන් එම ස්ථානවලට පැමිණ දුම්වැටි මිලට ගන්නා පිරිසද දැණුවත් කළහ.