සාලාව අවි ගබඩාව විනාශවීමත් සමග යුද හමුදාවේ මල්ටි බැරල් රොකට් යන්ත්‍ර සඳහා චෙක්‌ රාජ්‍ය සහ ස්‌ලෝවැකියා යන රටවලින් ශ්‍රී ලංකාවට ග්‍රාඩ් රොකට් ලබාදීම ප්‍රතික්‍ෂේප කර ඇත.
මෙයට හේතුවී ඇත්තේ යුරෝපා සංගමය තම සාමාජික රටවලට ශ්‍රී ලංකාවට ග්‍රාඩ් රොකට් සැපයීම තහනම් කිරීමයි.වන්නි මෙහෙයුමේදී සිවිල් ජනතාව වෙත මල්ටි බැරල් රොකට් ප්‍රහාර එල්ල කළ බවට ඊළාම් ඩයස්‌පෝරාව ජිනීවා මානව හිමිකම් කවුන්සිලය සහ යුරෝපා සංගමය වෙත සාවද්‍ය පැමිණිල්ලක්‌ යොමු කර තිබුණි.
ශ්‍රී ලංකා හමුදාවේ දැඩි ප්‍රහාරක බලයක්‌ තිබුණේ මල්ටි බැරල් රොකට් යන්ත්‍ර මත බව ඉහළ පෙළේ හමුදා ආරංචි මාර්ග පැවසීය.
සාලාව අවි ගබඩාව ගිනි ගන්නා අවස්‌ථාවේ එහි ග්‍රාඩ් රොකට් 20000 ක්‌ පමණ තිබූ බව එම ආරංචි මාර්ග කීවේය.
කීර්ති වර්ණකුලසූරිය