Colombo Today Local News

බෙල්ලන්විල නා හිමියෝ අද දැයෙන් සමුගනිති

බෙල්ලන්විල රජමහ විහාරය, අත්තිඩිය මාලිගාවත්ත පුරාණ විහාරයන්හි විහාරාධිකාරිව වැඩ විසූ කෝට්ටේ ශ්‍රී කල්‍යාණි ධර්ම මහා සංඝ සභාවේ අනුනායක ධුරන්ධර ශ්‍රී ජයවර්ධනපුර විශ්වවිද්‍යාලයේ කුලපති අපවත් වී වදාළ මහාචාර්ය බෙල්ලන්විල විමලරතන නාහිමි ආදාහන පූජෝත්සවය අද (08දා) සවස ශ්‍රී ජයවර්ධනපුර විශ්වවිද්‍යාලයීය ක්‍රීඩාපිටියේදී පූර්ණ රාජ්‍ය අනුග්‍රහය මත සිදුකෙරේ.

උන්වහන්සේගේ ශ්‍රී දේහය අද පස්වරු 2.30ට බෙල්ලන්විල රජමහ විහාරස්ථානයේ සිට ශ්‍රී ජයවර්ධනපුර සරසවි භූමිය දක්වා පොලිස් පෙරගමන් රථය පෙරටුකරගත් පෙරහරකින් වැඩමකරවීමට කටයුතු සංවිධානය කර ඇත. කල්‍යාණි ධර්ම මහා සංඝ සභාවේ සහ තෛ්‍රනිකායික මහානායක හිමිවරු ඇතුළු මහා සංඝරත්නය, දහම් පාසල් සිසු දරු දැරියන් බාල දක්ෂ කණ්ඩායම් දායක දායිකාවන් ප්‍රමුඛ මහජනතාව මෙම ආදාහන පෙරහරට සහභාගි වන බව ආදාහන කමිටුව සඳහන් කරයි.

ශ්‍රී දේහය රැගත් ආදාහන පෙරහර බෙල්ලන්විල රජමහ විහාරයෙන් පිටත්වී බොරලැස්ගමුව හන්දියෙන් වමට හැරී කොළඹ පිළියන්දල ප්‍රධාන මාර්ගයේ රත්තනපිටිය මංසන්ධියට පැමිණ එතැනින් දකුණට හැරී විජයාරාම පාර ඔස්සේ ශ්‍රී ජයවර්ධනපුර සරසවි ක්‍රීඩාංගණයට අවතීර්ණවීමට නියමිතය. උන්වහන්සේට දක්වන ගෞරවයක් ලෙස ආදාහන පෙරහර ගමන් ගන්නා මාර්ගය දෙපස කහ පැහැති ධජ ප්‍රදර්ශනය කිරීමට කාරුණික වන ලෙස ආදාහන කමිටුව එම ප්‍රදේශවාසීන්ගෙන් ඉල්ලීමක් කරයි.

Related posts

පොලිස් තනිකඩ බට නිවාස ගොඩනැගිල්ලෙන් වැටී පුද්ගලයෙක් මරුට

colombotoday

නුවරඑළිය ඩන්සිනන් රක්ෂිතයේ අතරමංවූ දැරිය දින පහකට පසු හමුවෙයි

colombotoday

ජනපති ඝාතන කුමන්ත්‍රණයට නාලක සිල්වා සම්බන්ධ බව තහවුරුයි…

colombotoday

බූස්ටර් ජංගම එන්නත්කරණ වැඩසටහන අද සිට

colombotoday

මාදම්පේ පනිරෙන්ඩාව වන රක්ෂිතයෙන් මිනිස් අස්ථි කොටස් හමුවෙයි

Admin

කළහකාරී මුස්ලිම් පිරිසක් රත්නපුර ගිණියම් කරයි.. පාර වසා මග අහුරා යකා නටයි

colombotoday