රට තුල ඇතිව තිබෙන කලහකාරි තත්වය පාලනය කිරීමටත්, නීතිය හා සාමය ස්ථාපිත කිරීම සදහාත් ජනාධිපතිවරයාට පැවරී ඇති බලතල යටතේ මේවනවිට හදිසි නීති තත්වයක් ප්‍රකාශයට පත් කර ඇති අතර එහිදී අසත්‍ය ප්‍රචාර හා ජාතිවාදය පතුරුවන පුද්ගලයින් අත් අඩංගුවට ගැනීම සදහා ප්‍රමුඛතාවය ලබාදී තිබේ.
මේ සදහා විශේෂ කණ්ඩායමක් පත්කර ඇති අතර ෆේස්බුක්, වට්ස්ඇප්, වයිබර්, මැසෙන්ජර් ආදී සමාජ ජාලයන් ඔවුන්ගේ දැඩි සෝදිසියකට ලක් කිරීමට නියමිතව තිබේ.
එහිදී කිසිවතු හෝ ජාතිවාදය හෝ අසත්‍ය ප්‍රචාර පතුරුවා හරින්නේ යයි තහවුරු වුවහොත් හදිසි නීතිය යටතේ ලබා දිය හැකි උපරිම නීතිමය ක්‍රියාමාර්ග ගැනීමට රජය තීන්දුකර තිබේ.