Colombo Today Local News

එට්කා එන්නත් කලින් රාජිතලා බලෙන්ම දෙයි.. රෝහල්වල රෙදි සේදීමත් ඉන්දීය සමාගමකට !

රෝහල්වල රෝගීන්ගේ සහ ශල්‍යකර්ම සඳහා භාවිත කරන රෙදි පිරිසිදු කිරීම ඉන්දීය සමාගමකට පැවරීමට සෞඛ්‍ය ඇමැති රාජිත සේනාරත්න මහතා තීරණය කර ඇත.

මේ අනුව ස්වයංක්‍රීය යන්ත්‍ර සූත්‍ර මගින් රෙදි හා ශල්‍ය උපකරණ පිරිසිදු කිරීමේ ව්‍යාපෘතිය සඳහා වූ ගිවිසුම අද (22) කොළඹ දී අත්සන් කෙරෙනු ඇත.

මේ සඳහා ආයෝජනය කරන මුදල ඇමෙරිකානු ඩොලර් මිලියන 7.5 ක් බව සෞඛ්‍ය අමාත්‍යාංශය සඳහන් කරයි. බස්නාහිර පළාත තුළ රෝහල්වල මුලින්ම ක්‍රියාත්මක කරන මෙම වැඩපිළිවෙළ ඉදිරියේ දී දිවයිනේ අනෙකුත් රෝහල්වලද ක්‍රියාත්මක කිරීමට කටයුතු කරන බව ඇමැතිවරයා අවධාරණය කරයි.

මේ අතර එට්කා ගිවිසුම පැමිණීමටත් පෙර සෞඛ්‍ය අමාත්‍යංශය රෝහල්වල රෙදි සෝදන කටයුත්ත ඉන්දියාවට පවරා ඇතැයි රජයේ වෛද්‍ය නිලධාරීන්ගේ සංගමය සඳහන් කරනවා.

මෙතෙක් කලක් රෝහල්වල රෝගීන්ගේ සහ ශල්‍යකර්ම සඳහා භාවිත කරන රෙදි පිරිසිදු කිරීමේ කටයුතු සිදුකළේ ශ්‍රී ලාංකිකයන් විසින් බවත් එහෙත් කිසිදු සොයා බැලීමකින් තොරව රෙදි සේදීමේ කටයුත්ත ඉන්දියානු සමාගමකට පවරා ඇති බවත් එම සංගමය පෙන්වා දෙනවා.

ශ්‍රී ලංකාව ඉන්දියාව සමග ඇති කරගැනීමට යන එට්කා නොහොත් වෙළඳ ගිවිසුම පැමිණීමටත් පෙර මේ ආකාරයේ සිදුවීම් වන්නේ නම් ගිවිසුම අත්සන් කළ පසු ශ්‍රී ලාංකීය රැකියා වෙළඳපොළ මෙන්ම ව්‍යාපාරික ක්ෂේත්‍ර ගණනාවක්ම බරපතළ අනතුරකට ලක්වන බව ද එම රජයේ වෛද්‍ය නිලධාරීන්ගේ සංගමය අවධාරණය කරනවා.

Related posts

කොස්ගොඩ තාරකගේ මත්ද්‍රව්‍ය බෙදාහැරීමේ ජාලය හසුරවන ප්‍රධානියා අල්ලයි

colombotoday

කොකේන් ගහන ඇමතිලා 6ක් පාර්ලිමේන්තුවේ… සභාගැබේදීත් කොකේන් මතින්…

colombotoday

“සයිටම් ජනසතු කරන්නෑ.. ඇමති මණ්ඩලයම ඒකට එකගයි.. චම්පිකත් අත ඉස්සුවා“ – රාජිත

colombotoday

ජනපතිගේ ප්‍රකාශයට පාර්ලිමේන්තුවේ විරෝධය

colombotoday

නිරෝධායන නීති කැඩූ 186ක් අත්අඩංගුවට

colombotoday

උඩුවේ ධම්මාලෝක හිමි නිදහස් කරනවාද? නැද්ද? – තීරණය කල් යයි

colombotoday