විරෝධතාවයේ නිරත ජනතාව විසින් තිස්සමහාරාම පිහිටි චමල් රාජපක්ෂගේ නිවස ද අද (04) දහවල් වටලා තිබේ.
විරෝධතාවයේ නිරත පිරිස් තිස්සමහාරාම දෙබරවැව මංසන්ධියේ සිට විරෝධතා පා ගමනින් පැමිණ ඇති බව යි වාර්තා වන්නේ.
විරෝධතාවයේ නිරත පිරිස් චමල් රාජපක්ෂගේ තිස්සමහාරාමයේ පිහිටි නිවස දෙසට පැමිණීමත් සමඟ එහි දැඩි පොලිස් ආරක්ෂාවක් යෙදවිමට ආරක්ෂක අංශ කටයුතු කර ඇත.
ඒ අනුව චමල් රාජපක්ෂගේ නිවසට ඇතුළු වන මාර්ගය හරස් කර කිසිවෙකුටත් ඇතුළු විමට නො හැකි වන පරිදි පොලිස් මාර්ග බාධක යොදා තිබුණා.
විශාල ජනතාවක් වැස්සේ තෙමි තෙමී නිවස ඉදිරිපිටට වී විරෝධතාවයේ නිරත වු අතර, විරෝධතාකරුවන් පැවසුවේ, අපේ ගමන පොලිස් බැරියර් දමා වැළැක්විය නොහැකි බවත් හැමදාමත් රාජපක්ෂවරු ඇතුළු මේ රට කාබාසනියා කළ දේශපාලුවන්ට සැඟ වී සිටිය නො හැකි බවත් ය.
චමල් රාජපක්ෂගේ නිවස හා ඒ අවට මේ වන විටත් දැඩි පොලිස් ආරක්ෂාවක් යොදවා ඇති බව වාර්තා වේ.