මහාචාර්ය බෙල්ලන්විල විමලරතන නාහිමියෝ අද පෙරවරුවේ කොළඹ පෞද්ගලික රෝහලකදී අපවත් වී තිබේ.
ඊයේ දිනයේදී උන් වහන්සේ රෝහල්ගත කරන ලද්දේ විහාරස්ථානයේ සිටින “මිලන්මාර් කුමාර්“ ඇතාට ආහාර දීමට යාමේදී ඇතිවූ අනතුරක් හේතුවෙනි.
ඒ හේතුවෙන් නාහිමියන්ගේ ඉලඇට කිහිපියකටම හා අක්මාවට හානිවී තිබුණු බව වාර්තා විණි.
කළ්‍යාණි සාමග්‍රී ධර්ම මහා සංඝසභාවේ අනුනායක ධුරය දැරූ උන් වහන්සේ ශ්‍රී ජයවර්ධනපුර විශ්ව විද්‍යාලයේ උපකුලපති ධුරයද හෙබවීය.
උන්වහන්සේ මෙරට දේශපාලනික, සමාජීය කාර්යයන්වලදී කැපී පෙනෙන මැදිහත්වීමක් දැක්වූ මහ යතිවරයාණන් වහන්සේ නමක් වූ අතර, උන්වහන්සේගේ හදිසි අපවත්වීම මෙම අවස්ථාවේදී රටටත්, ජාතියටත් දැරිය නොහැකි පාඩුවක් වනවා නොඅනුමානය.
නාහිමියන් ඔබ වහන්සේට නිවන් සුව ලැබේවා !