යාපනය විශ්වවිද්‍යාලයේ තාක්ෂණ පීඨයේ පළමු වසරේ ඉගෙනුම ලබන සෝමසුන්දරම් විනෝජ්කුමාර් නමැති සිසුවා ගණිත ගැටළු ඉතා සරලව විසදිය හැකි උපකරණයක් නිර්මාණය කොට ඇති අතර එය අත්තරජාතික තාක්ෂණ තරගාවලියකට හා ප්‍රදර්ශනයකට ඉදිරිපත් කිරීමට සුදුසුකම් ලබා තිබේ.
එම උපකරණයේ අයිතිය සම්බන්ධයෙන් වූ පේටන්ට් බලපත්‍රය හිමිකරගෙන ඇත්තේද විනෝජ්කුමාර් ශිෂ්‍යයා වන අතර ඔහු මේ වන විට විවිධ තාක්ෂණික උපකරණ නිපදවීම තුළින් දේශීය සම්මාන 32 ක් හා අන්තර්ජාතික සම්මාන 81 ක් දිනාගෙන ඇත.
ලෝකයේ රටවල් 97 ක පිහිටි විශ්වවිද්‍යාල දහසකින් පමණ සිසුන් මෙම තාක්ෂණික තරගාවලියට හා ප්‍රදර්ශනයට සහභාගි වන අතර ලබන පෙබරවාරි මස 1 දා සිට 6 වෙනිදා දක්වා එම තරගය හා ප්‍රදර්ශනය තායිලන්තයේ බැංකොක් නගරයේදී පැවැත්වීමට නියමිතය.