Colombo Today Local News

රාගම වෛද්‍ය පීඨ සිසුන්ට පහරදීම : ඇමති අරුන්දිකගේ පුතා අත්අඩංගුවට

රාගම වෛද්‍ය පීඨයේ සිද්ධිය සම්බන්ධයෙන් රාජ්‍ය අමාත්‍ය අරුන්දික ප්‍රනාන්දු මහතාගේ පුත්‍රයා පොලිසියට භාරවීමෙන් පසු අත්අඩංගුවට ගෙන තිබේ.

රාජ්‍ය අමාත්‍යවරයාගේ 23 හැවිරිදි පුත්‍රයා නීතිඥයෙකු මාර්ගයෙන් ඊයේ රාත්‍රී පොලීසියට භාර වී ඇති බව පොලිසිය පවසයි.

මේ අතර මෙම පහරදීම සඳහා පැමිණි මෝටර් රථයක් කළුබෝවිල ප්‍රදේශයේදී පොලීසිය භාරයට ගෙන තිබේ.

ඒ අනුව සිද්ධියට අදාළව මේ වනවිට සැකකරුවන් 7 දෙනෙකු අත්අඩංගුවට ගෙන ඇති අතර ඔවුන් හඳුනා ගැනීමේ පෙරෙට්ටුවක් සඳහා වැලිසර මහේස්කත්‍රාත් අධිකරණය වෙත ඉදිරිපත් කිරීමට නියමිත බව පොලීසිය සඳහන් කරයි.

රාගම වෛද්‍ය පීඨයේ සිව් වැනි වසරේ පිරිමි නේවාසිකාගාරයේ ඊයේ අලුයම මෙම ගැටුම හට ගෙන තිබිණ.

පොලීසිය පැවසුවේ සිව්වන වසරේ සිසුන් හා තුන්වන වසරේ සිසුවෙකු මුල්වී මේ ගැටුම හටගෙන ඇතැයි විමර්ශනවලදී පෙනී ගිය බවයි.

ගැටුමෙන් තුවාල ලැබූ තිදෙනෙකු රාගම රෝහලේ සහ එක් අයෙකු මීගමුව රෝහලට ඇතුළත් කර තිබුණි.

පොල් සංවර්ධන මණ්ඩලයට අයත් මෝටර් රථයකින් පැමිණි බාහිර පිරිසක් තමන්ට පහරදුන් බව සිව්වන වසර් සිසුන් චෝදනා කළ අතර අදාළ වාහනය හා රියදුරු ඔවුන් සිය භාරයට ගෙන තිබිණ.

Related posts

“සංවර්ධන මැෂිම මමයි… සියළු දෙනාම ප්‍රකෝටිපතියන් කරනවා” – සජිත්

colombotoday

මේක පට්ට සංගණනයක්! ජිමික් එකක් වූ ආණ්ඩුවේ රිලා නාඩගම

colombotoday

පේරාදෙණිය විශ්වවිද්‍යාලයේ සිසු ගැටුම: ජාතිවාදී පසුබිමක් නැහැ !

colombotoday

මත් ජාවාරම්කරුවන් එල්ලන දිනය තීන්දුයි – ජනපති

colombotoday

ඇතැම් පාසල් වල මේ වනවිට කොවිඩ් ගැන අවධානය අඩුවෙලා.. දෙවන රැල්ලක අවදානම පහව ගොස් නැහැ

colombotoday

ඇලෝසියස් ඇතුළු 08කට මහාධිකරණයෙන් ඇප

colombotoday