World

ඔස්ට්‍රේලියාවේ මෙල්බන් නුවර භූ චලනයක්

ඔස්ට්‍රේලියාවේ වික්ටෝරියා ප්‍රාන්තයේ මෙල්බර්න් නගරය ආශ්‍රිතව අද (22) පෙරවරුවේ භූ කම්පනයක් හටගෙන තිබුණි.

එහි ප්‍රබලත්වය සටහන්ව තිබුණේ රිච්ටර් පරිමාණය ඒකක 5.8ක් ලෙසිනි.

භූ කම්පනය හටගෙන තිබුණේ එරට වේලාවෙන් අද පෙරවරු 9.15ට පමණය.

මෙල්බර්න් නගරයට නුදුරු මෑන්ස්ෆීල්ඩ් ප්‍රදේශයේ එහි අපිකේන්ද්‍රය සටහන්ව තිබුණි.

එය නැගෙනහිර ඔස්ට්‍රේලියාවට බලපෑ විශාලතම භූ කම්පනවලින් එකක් ලෙස සැලකෙයි.

භූ කම්පනය සිදුවූ අවස්ථාව CCTV කැමරාවල ද සටහන්ව තිබුණි.

මිනිත්තු 15කට පමණ පසු රිච්ටර් පරිමාණය ඒකක 4ක් ලෙස සටහන් වූ පසු කම්පනයක් ද වාර්තා වී තිබුණි.

ඉන් ගොඩනැගිලි රැසකට හානි සිදුවී තිබේ.

පළමු භූ කම්පනය මෙල්බර්න් නගරයේ සිට කිලෝමීටර් 190ක් පමණ දුරින් පිහිටි ප්‍රදේශවලටත් දැනී ඇති බව විදෙස් වාර්තා පැවසුවේය.

වික්ටෝරියා කලාපය, සිඩ්නි, නිව් සවුත්වේල්ස් කලාපය, ඇඩිලේඩ් , තස්මේනියාව මෙන්ම කැන්බරා අගනුවරත් එම ප්‍රදේශ අතර වේ.

මෙල්බර්න් හි මහල් නිවාසවල වෙසෙන පුද්ගලයන් ඉන් ඉවත් කිරීමට මේ වන විට පියවර ගෙන තිබේ.

කෙසේ වෙතත් භූ කම්පනයෙන් පුද්ගල මරණ හෝ දරුණු ලෙස තුවාල ලැබීම් කිසිවක් වාර්තා වී නැහැ.

එමෙන්ම කලාපයට සුනාමි අවදානමක් නොමැති බවද ඔස්ට්‍රේලියානු බලධාරීන් සඳහන් කර තිබේ.

Related posts

මුස්ලිම් රාජ්‍යයන් ප්‍රංශයට දැඩි ලෙස පහර දෙද්දී ඉන්දියාව ප්‍රංශය වෙනුවෙන් සිටගනියි.

colombotoday

‍බෝයිං 737 MAX 8 ගුවන් යානා භාවිතය නතර කෙරේ

colombotoday

“No Pants Subway Ride” දිනය වෙනුවෙන් අඩ නිරුවතින් දුම්රියෙන් ගමන් කරයි

colombotoday

ඊශ්‍රායල හමුදාව හමාස් නියෝජ්‍ය නායකයා ඝාතනය කරයි

Admin

දිස්ත්‍රික්ක රැසකට දැනුනු නේපාලයේ භූ කම්පන දෙකක්

Admin

ඉන්දීය හමුදා කදවුරකට ත්‍රස්ත ප්‍රහාරයක්

colombotoday