Colombo Today Local News

හාල් කිලෝව 100යි – වී කිලෝව 30 යි

සහල් කිලෝවක මිල රුපියල් 100 දක්වා ඉහළ ගොස් තිබියදීත්, මේ වනවිට වෙළෙඳ පොළට පැමිණෙන වී අස්වැන්න මිලදී ගන්නේ කිලෝවක් රුපියල් 30ක් වැනි සුළු මුදලකට බව සමස්ත ලංකා ගොවිජන සම්මේලනය සඳහන් කරයි.

සුළු වාරිමාර්ග ක්‍රම යටතේ වගා ආරම්භ කළ කුඹුරුවල වී අස්වැන්න මේ වනවිට වෙළෙඳ පොළට පැමිණෙමින් තිබෙන බවත්, මෙහිදී කුරුණෑගල, අම්පාර, අක්කරෙයිපත්තු ආදීප්‍රදේශවලින් වැඩි වශයෙන් වී වෙළෙඳ පොළට පැමිණෙමින් තිබෙන බවත් එම සංගමයේ ජාතික සංවිධායක පළාත් සභා මන්ත්‍රී නාමල් කරුණාරත්න මහතා සඳහන් කළේය.

සහල් මිල පාලනය කිරීමට බදු සහන ලබාදී සහල් ගෙන්වීමට ව්‍යාපාරිකයන්ට අවස්ථාව ලබාදුන් බවත්, එහෙත් ව්‍යාපාරිකයන් පාරිභෝගිකයන්ට සහල් අඩු මුදලට ලබාදීමට කටයුතු නොකරන බවත් ඔහු පවසා සිටියේය.

මේනිසා ඉදිරි දින කිහිපය තුළ වී ගොවියාත්, පාරිභෝගිකයාත් අසරණ කිරීම සඳහා මහා පරිමාණ මෝල් හිමියන් හා සහල් ගෙන්වන ව්‍යාපාරිකයන් සිදුකරන කුමන්ත්‍රණය මේ වනවිට පැහැදිලි වී තිබෙන බවත්, මෙම සැලැස්මට අනුව මහා පරිමාණ මෝල් හිමියන් වී මිලදී නොගන්නා බවත් ඔහු සඳහන් කළේය.

මේ අනුව අසරණ වන ගොවියා විසින් තම අස්වැන්න සුළු මුදලකට හෝ විකුණා දැමීඹට මෝල් හිමියන් වෙත යායුතු බවත්, එම තත්ත්වය උදාවීමට පෙර රජය සහතික මිලකට වී මිලදී ගැනීම සඳහා වහාම වැඩපිළිවෙළක් සකස් කළ යුතු බවත් හෙතෙම පවසා සිටියේය.

Related posts

“ශ්‍රීපාදය සර්වාගමික අච්චාරුවක් නොවේ.. ආදම්ගේ පාදයක් මෙහේ නෑ“ එල්ලාවල මේධානන්ද හිමි

colombotoday

මට ආචාර්ය පට්ටමක් දුන් කෙනා සොයනු

Admin

අලුත්ම සමීක්ෂණයෙන් රනිල් එකට

Admin

අභාවයට යන රමණීය පිං බිම – ගලෙන්බිදුනුවැව වේරගල පුරාණ විහාරය

colombotoday

මහනුවර ගැටුමට සම්බන්ධ පුද්ගලයන් ආණ්ඩුව ඇතුලේ – රවී හෙළිකරයි

colombotoday

පුංචි ඡන්දයට එරෙහිව නඩු දමා ඇත්තේ ඇමති ෆයිසර්ගේම ගෝලයෙක්… ඡන්දය කල් දැමීමේ තවත් මගඩියක් !

colombotoday