පළාත් පාලන මැතිවරණයෙන් පසු යෝජිත ආණ්‌ඩුක්‍රම ව්යවස්ථාවේ කටයුතු කඩිනමින් සිදුවනු ඇතැයි අපේක්‌ෂා කරන බව ද්‍රවිඩ සන්ධාන නායක ආර්. සම්බන්ධන් මහතා පවසයි.
ඉන්දියාවේ හින්දු පුවත්පත සමග කරන ලද සාකච්ඡාවකදී ඔහු සදහන් කර ඇත්තේ ආණ්‌ඩුක්‍රම ව්‍යවස්‌ථා කෙටුම්පත සකස් කිරීම ප්‍රමාදවී ඇත්තේ සමහර දේශපාලන පක්‍ෂ ගෙන ඇති තීන්දු නිසා බවයි.
නව ව්‍යවස්‌ථාව යටතේ මධ්‍යම ආණ්‌ඩුවේ කටයුතු සහ පළාත් සභාවල කටයුතු වෙන් වෙන්ව සඳහන් වන බව ද සම්බන්ධන් මහතා පවසා ඇත.
මෙරට ද්‍රවිඩ ජනතාවට බහුතරයකට අයිතිවාසිකම් හිමිවී නැති බවටද චෝදනා කර ඇති සම්බන්ධන් මහතා එම අයිතිය සම තත්ත්වයට පත්විය යුතු බව ද එම සාකච්ඡාවේදී වැඩිදුරටත් ප්‍රකාශ කර තිබේ.