බදුල්ල දිස්ත‍්‍රික්කයේ එක්සත් ජාතික පක්ෂ නායක ඇමති හරීන් ප්‍රනාන්දු මහතාගේ පාර්ලිමේන්තු කටයුතු ලේකම්වරයා ලෙස කටයුතු කල කපිතාන් මිහිමල් මුණසිංහ මහතා ශ්රී ලංකා පොදුජන පෙරමුණට එක්ව තිබේ.
පාර්ලිමේන්තු මන්ත‍්‍රී කුමාර වෙල්ගම මහතාගේ ප‍්‍රධානත්වයෙන් බදුල්ලේදී පැවති ශ්රී ලංකා පොදුජන පෙරමුණු රැස්වීමකදී ඔහු එම පක්‍ෂයට එක්ව ඇත.
ඌව පළාත් සභා මන්ත‍්‍රීවරයෙක් ලෙස කටයුතු කර ඇති මුණසිංහ මහතා මන්ත්‍රි ධුරය අහිමිවූ පසුව එජාපයට එක් වූයේ එවකට උෟව පළාත් මහ ඇමති වු හරීන් ප්‍රනාන්දු මහතාගේ පුද්ගලික ලේකම් ලෙසයි.
පෙරේදා 30 දිනයේ ශ්රී ලංකා පොදුජන පෙරමුණට එක්වන තෙක්ම ඔහු එජාපයේ බදුල්ල දිස්ත්‍රික් සංවිධායකවරයෙක් ලෙසද කටයුතු කලේය.