2016 වසරේ අත්‍යවශ්‍ය ඖෂධ වර්ග 48ක මිල අඩු කරන ලද නමුත් 2017 දෙසැම්බර් 14 වෙනිදා අති විශේෂ ගැසට් පත්‍රයක් මගින් එම බෙහෙත් වර්ගවල මිල වැඩි කර ඇති බව පාරිභෝගික අයිතිවාසිකම් පිළිබද ජාතික ව්‍යාපාරයේ සභාපති රන්ජිත් විතානගේ මහතා පවසනවා. ඒ (22) පැවති මාධ්‍ය හමුවකදිය.
ඖෂධ මිල ගැන අදහස් දැක්වූ අමාත්‍යවරයා සත 50කින් රුපියලකින් වැඩිවූ බව පැවසුවත් ඊට වඩා විශාල මුදලකින් මිල වැඩිවූ බව පෙන්වා දුන් විතානගේ මහතා ඇමති රාජිත සේනාරත්න රටට විහිළු සපයමින් සිටින බව ප්‍රකාශ කර සිටියා.
2016 ඖෂධ මිල අඩුකරන විට තමන් වෙනුවෙන් තමන්ට පෝස්ටර් ගහගන්න රාජිත සේනාරත්න ඇමතිවරයා අමාත්‍යංශයේ ප්‍රචාරණ කටයුතු වෙනුවෙන්යැයි පවසමින් කෝටි 10ක මුදලක් සුනිල් රත්නායක නමැති පුද්ගලයකු වෙත ලබා දී ඇති බව සදහන් කල ඔහු ඩෙංගු රෝගය වැලදී මිනිස්සු මැරෙද්දි ඒ පිලිබදව ජනතාව දැනුවත් කිරීමට ඇති මුදල් “ඇමතිවරයාට ජයවේවා, ඇමතිවරයා බුදු වේවා”යනුවෙන් පෝස්ටර් ගහන්න යොදා ගන්නා බවත් ඒ පිලිබදව කතා කිරීමට තමන් බිය නොවන්නේ ජනතාවගේ මුදල් හොරකම් කර නැති නිසා බවත් අවධාරණය කර සිටියා
මෙම මාධ්‍ය හමුව සදහා ආචාර්ය ප්‍රතිභා මහානාම හේවා මහතාද එක්විය.