මහින්ද රාජපක්ෂ හිටපු ජනාධිපතිවරයා ඉදිරි මැතිවරණයේ දී සහය දිය යුත්තේ ශ්‍රීලනිපය ප්‍රමුඛ සන්ධානයට බවත් ඔහු උදව් නොකරනවා නම් එය ඉදිරි මැතිවරණවල දී බලාගන්නා බවත් වරාය නියෝජ්‍ය අමාත්‍ය නිශාන්ත මුතුහෙට්ටිගම මහතා පවසයි.
ගාල්ලේ දී පසුගියදා පැවැති මාධ්‍ය හමුවකදී ඔහු මේ බව පැවැසීය.
“මහින්ද මහත්මයා දෙපාරක් මේ රටේ ජනාධිපති කරන්න කැප වුණේ අපි. ඒ නිසා එතුමා අපේ මිනිස්සුන්ගේ පැත්තේ සිටිය යුතුයි. මහින්ද මහත්මයාගේ පෙකනිවැල කැපුවේ ශ්‍රීලනිපයෙන්. එහෙම නොවනවා නම් ඒක කුහකකමක්, වැරද්දක්. ඒක එතුමා තීරණය කළ යුතුයි. පෙහොට්ටුවේ දේශපාලන පෝස්ටර්වලට එතුමාගේ රුව යොදා ගැනීම නිසා එතුමාට ම තමයි පාඩුව සිද්ධ වෙන්නේ.”