Colombo Today Local News

බැදුම්කර බෑණා සමග ගනුදෙනු කළ කෝප් කමිටු සාමාජිකයන් හෙළිවෙයි !

මහබැංකු බැදුම්කර නිකුතුවේදී සිදුවූ මගඩිය සම්බන්ධයෙන් පැවති කෝප් පරීක්ෂණයේදී කෝප් කමිටු සාමාජිකයන් පස් දෙනෙකුට පර්පෙචුවල් ට්‍රෙෂරීස් සමාගමේ හිමිකරු අර්ජුන් ඇලෝසියස් විසින් දුරකථන ඇමතුම් ලබා දී ඇති බව හෙළිව තිබෙනවා.

හිටපු මහබැංකු අධිපති අර්ජුන් මහේන්ද්‍රන් සහ අර්ජුන් ඇලෝසියස්ගේ දුරකථන විශ්ලේෂණය කළ අපරාධ පරීක්ෂණ දෙපාර්තමේන්තුව ඒ පිළිබද වාර්තාව ඊයේ බැදුම්කර සිද්ධිය සම්බන්ධයෙන් විමර්ශනය කරන ජනාධිපති කොමිසම හමුවට ඉදිරිපත් කළා.

එම දුරකථන විශ්ලේෂණ අනුව 2015 පෙබරවාරි මස 25 වනදින පැවති ප්‍රශ්නගත බැදුම්කර නිකුතුව අවසන් වී ටික වේලාවකින් පසු එවක මහබැංකු අධිපති අර්ජුන් මහෙන්ද්‍රන් වෙත අග්‍රාමාත්‍ය රනිල් වික්‍රමසිංහ මහතා දුරකථන ඇමතුම් දෙකක් ලබාදී තිබෙන බවට අනාවරණය වී තිබෙනවා.

කෝප් පරීක්ෂණය පැවැත්වෙන අතරතුර අර්ජුන් ඇලෝසියස් විසින් එම කමිටු සාමාජිකයන් වූ රාජ්‍ය ඇමති සුජීව සේනසිංහ වෙත දුරකථන ඇමතුම් 63ක්, එජාප මන්ත්‍රී හෙක්ටර් අප්පුහාමි වෙත ඇමතුම් 23ක්, හර්ෂණ රාජකරුණා වෙත ඇමතුම් 23ක්, ඇමති අජිත් පෙරේරා තෙ ඇමතුම් 2ක්, සහ ඇමති දයාසිරි ජයසේකර වෙත ඇමතුම් 2ක් වශයෙන් ලබාගෙන තිබෙන අතර, ඊට අමතරව වයිබර් හා වට්ස්ඇප් ඔස්සේ ද ඇමතුම් ලබාගෙන තිබෙන බව අනාවරණය වී තිබෙනවා.

Related posts

“නීතිය හා සාමය ෆොන්සේකාට දී 2020 දක්වාම යහපාලනය කරන්න ශ්‍රීලනිපය එකගයි” – දුමින්ද දිසානායක

colombotoday

ජනාධිපති විඝණන අංශය හදිසියේම අමාත්‍යංශය හතක් වටළයි. හිටපු ඇමතිවරුන්ට වැඩ වරදී

colombotoday

ගැටුම් ඇතිකළේ පිට පළාත්වලින් ආ පිරිසක්.. හානි වූ දේපළ වෙසක් පොහොයට පෙර හදා දෙනවා – හමුදාපති

colombotoday

පානීය ජල ගැටලු ඇත්නම් 117 අමතන්න

Admin

ඡන්ද කටේ පොත් බෙදන්න ගිය නියෝජ්‍ය ඇමතිට වැඩ වරදී

colombotoday

වසර 14ක් සපිරෙන යුද ජයග්‍රහණයේ රණවිරු සැමරුම හෙට

Admin