World

“මහළු යුද වැද්දා.. තරබාරු මිට්ටා”… ට්‍රම්ප් – කිම් ජොන් අන් වාග් සංග්‍රාමය යළි ඇවිළෙයි !

උතුරු කොරියානු න්‍යෂ්ටික ව්‍යාපෘතිය මුල් කර ගනිමින් වොෂින්ටනය සහ ‘ප්යෝන්ග්යෑන්’ පාලනය අතර වාග් සංග්‍රාමය යළි කරළියට පැමිණ ඇත.

මෙවර විශේෂත්වය වන්නේ එම වාග් සංග්‍රාමය ජනාධිපති ඩොනල්ඩ් ට්‍රම්ප් ආසියානු සංචාරයක නිරත වෙමින් සිටියදී යළි මතු වීමයි.

ඇමෙරිකා එක්සත් ජනපදයට දැඩි ප්‍රහාරයක් එල්ල කරන උතුරු කොරියාවේ විදේශ ඇමතිවරයා ජනාධිපති ඩොනල්ඩ් ට්‍රම්ප් ‘මහලු යුද වැද්දකු’ ලෙස හඳුන්වා දී ඇත.

ඒ අතරම, සිය න්‍යෂ්ටික ව්‍යාපෘතිය නතර නොකරන බවත් උතුරු කොරියානු විදේශ ඇමතිවරයා අවධාරණය කරයි.

ඊට පිළිතුරු සපයමින් ‘ට්විටර්’ පණිවුඩයක් නිකුත් කරන ජනාධිපති ට්‍රම්ප්, ඔහු විසින් කිම් ජොන් අන් ‘තරබාරු මිට්ටකු’ ලෙස කිසිවිටක හඳුන්වා නැති අතරවාරයේ තමාට ‘මහල්ලකු’ ලෙස සරදම් කරන්නේ කුමක් නිසාදැයි ප්‍රශ්න කරයි.

තවදුරටත් අදහස් දක්වන ඇමෙරිකානු ජනාධිපතිවරයා තමා උතුරු කොරියානු නායකයාගේ මිතුරකු වීමට දැඩි උනන්දුවකින් කටයුතු කරමින් සිටින අතර ඇතැම්විට අනාගතයේ දිනයක එය පල දැරීමට ඉඩකඩ ඇති බවත් සඳහන් කරයි.

එහෙත් ඔහු වරක් කිම් ජොන් අන් ‘පිස්සකු’ ලෙසත් තවත් වරෙක ‘පුංචි රොකට්කාරයා’ ලෙසත් හඳුන්වා දී තිබුණි.

Related posts

ඩොනල්ඩ් ට්‍රම්ප් 2024දී යළිත් කරළියට

Admin

ඇෆ්ඝනිස්තානයෙන් අවසාන විදෙස් හමුදා කණ්ඩායම් ඉවත්වෙති

colombotoday

හමාස් – ඊශ්‍රායල ගැටුම් මැද ඉන්ධන මිලේ ලොකු වෙනසක්

Admin

ගෙවුණු පැය 24ට පලස්තීනුවන් 297 මිය යයි

Admin

ඉන්දියාවේ දෛනිකව ස්ත්‍රී දූෂණ සිදුවීම් 87 ක්

colombotoday

වැඩ පෙන්නන්න ගොස් ඉල්ලන් කන ISIS සාමාජිකයා

colombotoday