රජය සහ ශ්‍රී ලංකා පොලිසිය පිළිබඳ පවතින විශ්වාසය ජනතාවට සීඝ්‍රයෙන් ඉහළ යමින් පවතින බව නීතිය, සාමය හා දක්ෂිණ සංවර්ධන අමාත්‍ය සාගල රත්නායක මහතා පවසයි.
පොලිස් නිළධාරින්ගේ විශිෂ්ඨ සේවය ඇගයීම සඳහා සම්මාන සහ ත්‍යාග ප්‍රදානය කිරිම වෙනුවෙන් ඊයේ(19) පැවැති උත්සවයකදී මේ සම්බන්ධයෙන් අදහස් පළ කරමින් අමාත්‍යවරයා මේ බව පැවසීය.
කිසියම් කාලයක් සේවය කළ පොලිස් නිළධාරින්ට ස්වේච්ඡාවෙන් විශ්‍රාම ගැන්විම සහ දක්ෂතා මත වැටුප් හා උසස්විම් ලබාදීම පිළිබඳ වැඩපිළිවෙලක් සාකච්ඡා කරමින් පවතින බවද අමාත්‍ය සාගල රත්නායක මහතා එහිදී වැඩිදුරටත් ප්‍රකාශ කළේය.
එම අවස්ථාවට පොලිස්පති පූජිත් ජයසුන්දර මහතා ද සහභාගී වූ අතර පොලිස් නිළධාරින් 1034 දෙනෙකු සදහා රුපියල් මිලියන 45ක පමණ ත්‍යාග මුදලක් ප්‍රදානය කෙරුණි.