ඩොලර් මිලියන 205කට සූරියවැව මත්තල ගුවන් තොටුපල ඉන්දියාවට විකුණා දැමීමට ආණ්ඩුව සැලසුම් කර ඇති බවත් ඒ සමගම රුපියල් බිලියන 24ක් වැය කොට රුසියාවෙන් යුද නැවක් මිලට ගැනීමට සැලසුම් කර ඇති බවත් පාර්ලිමේන්තු මන්ත‍්‍රී ඩලස් අලහප්පෙරුම මහතා පවසයි.
මත්තල ගුවන් තොටුපල සෑදීම සදහා මීට වසර පහකට කලින් ඩොලර් මිලියන 209ක් වැය වූ බවද ඔහු සදහන් කලේය. යුද්දය නැති රටට මෙතරම් විශාල මුදලක් දී යුද නැවක් මිලදී ගන්නට යන ආණ්ඩුව ජාත්‍යන්තර වටිනා සම්පතක් ඉන්දියාවට විකුණා දමන බවද පැවසූ හෙතෙම රටේ ජාතික සම්පත් විදේශිකයන්ගේ දඩබිම් බවට පත්කරමින් සිටින බවද කියා සිටියේය.