උසාවියට අපහාස කිරීමේ චෝදනා මත බොදු බල සේනා මහ ලේකම් පූජ්‍ය ගලගොඩඅත්තේ ඥාණසාර හිමියන්ට එරෙහිව ගොණු කර ඇති නඩුව අද හෝමාගම මහේස්ත්‍රාත් අධිකරණයේදී වීභාගයට ගැනීමට නියමිතය.
මේ අතර මියන්මාර රොහින්ග්‍යා සංක්‍රමණියන් පිරිසක් රැදී සිටි ගල්කිස්සේ මහල් නිවාසයක් අසල විරෝධතාවක් පැවැත්වීමේ චෝදනාවට අදාල ප්‍රශ්න කිරීම් සදහා සිංහල රාවය ජාතික සංවිධානයේ සභාපති පූජ්‍ය අක්මීමන දයාරතන හිමියන් අද කොළඹ අපරාධ කොට්ඨාසය වෙත කැදවා ඇත. මේ වන විටත් උන්වහන්සේ ප්‍රකාශයක් ලබා දීම සදහා එම ස්ථානයට පැමිණ ඇත.