ඩෙල්ටා කොවිඩ් 19 වෛරස ප්‍රභේදය සෙවීම සඳහා තවත් පරීක්ෂණ වටයක් අද (16)දින ආරම්භ කළ බව ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ අසාත්මිකතා ප්‍රතිශක්තිවේද සහ සෛල ජෛව විද්‍යා අධ්‍යයන අංශයේ ප්‍රධානී ආචාර්ය චන්දිම ජීවන්දර මහතා පවසයි.
දිවයිනේ විවිධ ප්‍රදේශවල කොවිඩ් රෝගීන්ගෙන් අහඹු ලෙස ලබාගත් ජෛව පටල සාම්පල 70ක් මෙම පරීක්ෂණය සඳහා යොදා ගෙන තිබේ.
මෙම ජෛව සාම්පල වල ප්‍රතිපල දින දෙකක ඇතුලත ලබා දීමට බලාපොරොත්තු වන බව ආචාර්ය චන්දිම ජීවන්දර මහතා පවසයි.
කොළඹ,කිලිනොච්චිය සහ යාපනය යන දිස්ත්‍රික්කවලින් ඩෙල්ටා සැර කොරෝනා වෛරසය ආසාදනයවූ රෝගීන් 19 දෙනෙකු ඊයේ (15)දින හඳුනා ගෙන තිබෙන අතර ඒ අනුව මුළු දිවයිනෙන්ම මේ දක්වා සොයාගෙන ඇති ඩෙල්ටා කොරෝනා ආසාදිතයන් සංඛ්‍යාව 38ක් දක්වා ඉහළ ගොස් ඇත.