‘සයිටම්’ පෞද්ගලික වෛද්‍ය උපාධි ආයතනයේ හිමිකාරීත්වය දැරූ නෙවිල් ප්‍රනාන්දු ආදායම් නොමැතිව තිබූ සිය රෝහල (නෙවිල් ප්‍රනාන්දු) හේතුවෙන් රාජ්‍ය බැංකු වෙත ගෙවීමට තිබූ ණය ගෙවීම සඳහා රෝහල රජයට පැවරූ බව දූෂණ විරෝධී හඬ සංවිධානය අනාවරණ කරයි.
රජය නෙවිල් ප්‍රනාන්දු රෝහල වෙනුවෙන් වසරකට රුපියල් මිලියන 300 බැගින් ගෙවීමට එකඟ වී ඇති බව එම සංවිධානයේ කැඳවුම්කරු වසන්ත සමරසිංහ පැවසීය.
අද (13) එම පෙරමුණ විසින් පවත්වන ලද මාධ්‍ය හමුවකට සහභාගි වෙමින් ඔහු මේ බව පැවසීය.
පාඩු ලබන ආයතන විකිණීමට ප්‍රතිපත්ති හදන ආණ්ඩුව බැඳුම්කර වංචාව සම්බන්ධයෙන් ඉඩ දී මහජන මුදල් අවභාවිතයට ඉඩ දී ඇති බවද ඔහු පැවසීය.
සයිටම් ආයතනයට ‘සුජාතභාවය’ ලබා දීමට උත්සාහ දරණ ඇතැම් ඇමතිවරුන් සිටින්නේ මුදල් වෙනුවෙන් බව ඔහු පැවසීය.