පාසල් ළමුන් ප්‍රවාහනය සඳහා අද (07)දිනයේ සිට සිසු සැරිය බස් රථ 1,400ක් පමණ යොදවා ඇතැයි ජාතික ගමනාගමන කොමිසම පවසයි.
එහි අධ්‍යක්ෂ ජනරාල් නිලාන් මිරැන්ඩා මහතා පැවසුවේ, ලංගම බස් රථ 700 ක් පමණ ඒ අතර වන බවයි.
මේ අතර, පවතීන ඩීසල් අර්බුදය හමුවේ අද දිනයේදී දිවයින පුරා ධාවනය කළ හැක්කේ බස් රථ 4,500ක් පමණක් බව ලංකා පෞද්ගලික බස් හිමියන්ගේ සංගමය පවසයි.
කෙසේ වෙතත් පෞද්ගලික බස් රථ සඳහා ද ඩීසල් ලබාදීමේ ක්‍රියාවලිය සාර්ථකව ක්‍රියාත්මක බව ශ්‍රී ලංකා ගමනාගමන මණ්ඩලයේ සභාපති කිංස්ලි රණවක මහතා සඳහන් කරයි.